Հանրային քննարկումը տեղի ունեցավ Արտիմետ բնակավայրի վարչական ղեկավարի նստավայրում։

Հանրային քննարկումը վարում էին Արաքս համայնքի ղեկավար՝ Ղազար Ղազարյանը, համայնքի ղեկավարի տեղակալ՝ Վահրամ Հարությունյանը։

Քննարկմանը մասնակցում էին Արաքս համայնքի Արտիմետ բնակավայրի վարչական ղեկավարը, համայնքապետարանի աշխատակազմի աշխատակիցները, համայնքի ավագանու անդամները, համայնքի բնակիչները։

Քննարկման ընթացքում անդրադարձ կատարվեց 2025 թվականին սուբվենցիոն ծրագրերին, դրանց մշակմանն ու ձևավորմանը։ Մասնակիցների կողմից եղան առաջարկություններ, որոնք քննարկվեցին համայնքի ղեկավարի ինչպես նաև քննարկմանը ներկա մասնակիցների հետ։ Քննարկմանը բարձրաձայնվեցին բնակիչների մտահոգությունները, հուզող հարցերը ինչպես նաև Արտիմետ բնակավայրի օրակարգային խնդիրները։

Քննարկումը անցավ փոխադարձ հարգանքի և ըմբռնման միջավայրում։ Բոլոր հարցերին տրվեցին պատասխաններ և առաջ բերված խնդիրներին առաջարկվեցին համապատասխան լուծումներ։