Սույն թվականի մարտի 21-ին տեղի ունեցավ Արաքս համայնքի 2026 թվականի սուբվենցիոն ծրագրերի մշակման և ձևավորման վերաբերյալ հանրային քննարկումների 2-րդ փուլը։
Արաքս համայնքի ղեկավար Ղազար Ղազարյանը աշխատանքային խմբի հետ միասին այցելեց համայնքի Ջրառատ, Ջրարբի, Լուսագյուղ և Ապագա բնակավայրեր։
Քննարկումներին մասնակցում էին համայնքի վերոնշյալ բնակավայրերի վարչական ղեկավարները, համայնքապետարանի աշխատակազմի աշխատակիցները, համայնքի բնակիչները։
Քննարկման ընթացքում անդրադարձ կատարվեց 2026 թվականի սուբվենցիոն ծրագրերին, դրանց մշակմանն ու ձևավորմանը։
Քննարկմանը ներկա մասնակիցների և համայնքի բնակիչների ակտիվ մասնակցությամբ եղան առաջարկություններ, որոնք քննարկվեցին համայնքի ղեկավարի և համայնքապետարանի աշխատանքային խմբի հետ։
Քննարկմանը բարձրաձայնվեցին բնակիչների մտահոգությունները, հուզող հարցերը ինչպես նաև իրենց բնակավայրերի օրակարգային խնդիրները։
Քննարկումներն անցան փոխադարձ հարգանքի և ըմբռնման միջավայրում։ Բոլոր հարցերին տրվեցին պատասխաններ և առաջ բերված խնդիրներին առաջարկվեցին համապատասխան լուծումներ։