|
15.10.24
ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ը նախազգուշացնում է
|
|
ՇՄՆ «Հիդրոօդերևութաբանության և մոնիթորինգի կենտրոն» ՊՈԱԿ-ը նախազգուշացնում է՝
Արևմուտքից ակտիվ ցիկլոնի ներթափանցմամբ պայմանավորված` հոկտեմբերի 16-ի ուշ երեկոյան և 17-ին, 17-ի լույս 18-ի գիշերը հանրապետության շրջանների մեծ մասում սպասվում են հորդառատ անձրևներ և ամպրոպ։
Օդի ջերմաստիճանը հոկտեմբերի 17-19-ին հանրապետության ողջ տարածքում աստիճանաբար կնվազի, այսօրվա համեմատ՝ մոտ 6-9 աստիճանով։
Հորդառատ տեղումներով պայմանավորված հոկտեմբերի 17-18-ին հանրապետության գետերի մեծ մասում սպասվում է ջրի ելքերի զգալի մեծացում:
|
|
|
09.10.24
Արաքս բնակավայրում ավարտվեցին խմելու նոր ջրագծի կառուցման աշխատանքները
|
Ջրագիծը կառուցվել է մանկապարտեզին հարակից տարածքում, երկարությունը կազմել է 120 մետր։ Աշխատանքների համար անհրաժեշտ խողովակաշարը և տեխնիկան տրամադրվել է Արաքսի համայնքապետարանի կողմից իսկ աշխատանքներն իրականացվել են Արաքսի համայնքապետարանի ենթակայության տակ գտնվող «Կոմունալ սպասարկման և բարեկարգման» ՀՈԱԿ-ի և բնակիչների համատեղ ջանքերով։ |
|
|
05.10.24
Արաքս համայնքի ղեկավար Ղազար Ղազարյանի շնորհավորական ուղերձը ուսուցչի օրվա առթիվ
|
|
Հարգարժա՛ն ուսուցիչներ,Շնորհավորում եմ ձեզ մասնագիտական տոնի՝ Ուսուցչի օրվա առթիվ:Ձեզ բաժին է հասել ամենաբարդ աշխատանքը՝սերունդներ կրթելու և դաստիարակելու պատասխանատու գործը։Այսօր, բազմակի անգամ մեծ պատասխանատվություն է դրված ձեր ուսերին, որովհետև այսօր առավել քան երբևէ մենք կարիք ունենք լինել ուժեղ՝ մտքով, գիտելիքով և կրթությամբ և դուք՝ այդ ամենը փոխանցելու ձեր կարողությամբ և հմտությամբ, մեր զավակների, թոռների ու սերունդների բարեկեցության, անվտանգության, մեր երկրի հզորության կերտողն եք:Առանձնակի սիրով շնորհավորում եմ մեր ավագ սերնդի մանկավարժներին, որոնք անցել են վաստակած հանգստի, սակայն իրենց ներկայությամբ, թողած ձեռագրով և կենսափորձով լավագույն օրինակ են երիտասարդ գործընկերների համար:Սիրելի՛ ...
Մանրամասն |
|
|
04.10.24
Արաքսի համայնքապետարանի աշխատակազմը շնորհավորեց ուսուցիչներին
|
|
Արաքսի համայնքապետարանը՝ ի դեմս համայնքի ղեկավար Ղազար Ղազարյանի, ուսուցչի տոնին ընդառաջ՝ հոկտեմբերի 4-ին, հաճելի անակնկալ էր պատրաստել Արաքս համայնքում գործող թվով 13 դպրոցների, 10 մշակույթի տների և 1 արվեստի դպրոցի ուսուցիչներին, ընդգծելու համար ուսուցչի կարևորությունը մեր հասարակության կյանքում։ Արաքսի համայնքապետարանի աշխատակիցները վարչական ղեկավարների հետ միասին այցելեցին Արաքս համայնքի դպրոցներ, մանկապարտեզներ և Գայի արվեստի դպրոց, շնորհավորեցին մեր սիրելի մանկավարժներին և հանձնեցին Արաքսի համայնքապետարանի կողմից պատրաստված անակնկալները, պարգևելով նրանց ուրախ ու հաճելի ակնթարթներ:
|
|
|
03.10.24
Մաքրման և բարեկարգման աշխատանքները շարունակվում են
|
Մաքրման և բարեկարգման հերթական աշխատանքներն իրականացվել են Մեծամոր բնակավայրում։ Մաքրվել և հարթեցվել է Մեծամոր բնակավայրի նոր գերեզմանատան տարածքը։ Մաքրման և բարեկարգման աշխատանքների կազմակերպման նպատակով ներգրավվում են Արաքս համայնքին պատկանող տեխնիկաները, իսկ աշխատանքներն իրականացվում են Արաքս համայնքի ենթակայության տակ գտնվող «Կոմունալ սպասարկման և բարեկարգման» ՀՈԱԿ-ի կողմից։ |
|
|
26.09.24
Ղազար Ղազարյանը մասնակցեց մարզպետի աշխատակազմում կայացած աշխատանքային քննարկմանը
|
Արմավիրի մարզպետի աշխատակազմում մարզպետ Դավիթ Խուդաթյանն աշխատանքային քննարկում ունեցավ մարզի համայնքների ղեկավարների և մարզպետի տեղակալի մասնակցությամբ: Քննարկմանը մասնակցում էր նաև Արաքս համայնքի ղեկավար Ղազար Ղազարյանը: Քննարկվեցին մարզում պետական համաֆինանսավորման ծրագրով իրականացվող աշխատանքների ընթացքը, ամփոփվեցին համայնքների սեփական եկամուտների հավաքագրման ցուցանիշները, անդրադարձ կատարվեց աշխատանքային այլ հարցերի ևս: |
|
|
26.09.24
Այսօր Focus on Children Now-FCN կազմակերպության ներկայացուցիչները հյուրընկալվեցին Արաքս համայնքում
|
|
FCN կազմակերպության անդամների ներդրած ջանքերի շնորհիվ Արաքս համայնքի Գայ բնակավայրի մանկապարտեզում տեղի ունեցավ խաղահրապարակի բացման հանդիսավոր արարողություն։Մեր փոքրիկ սաները մեծ ոգևորությամբ և խանդավառությամբ դիմավորեցին հարազատ դարձած մեր հյուրերին, բոլորիս պարգևեցին ժպիտներ, որին հաջորդեց բացման արարողությունը։ Ողջույնի խոսքով հանդես եկան համայնքի ղեկավար Ղազար Ղազարյանը, կազմակերպության տնօրեն Անահիտ Քալանթարյանը: Մանկապարտեզի տնօրեն Քրիստինե Մարալյանը շնորհակալություն հայտնեց կազմակերպության ներկայացուցիչներին՝ բարի և հոգատար վերաբերմունքի, ներդրած ջանքերի համար։ Եվս մեկ անգամ մեր խորին շնորհակալությունն ենք հայտնում FCN կազմակերպությանը, մշտապես Արաքս համայնքի կողքին լինելու, ...
Մանրամասն |
|
| 1 2 3 |