Ղեկավարվելով Հայաստանի Հանրապետության քաղաքացիական օրենսգրքի 685-րդ հոդվածով, «Տեղական ինքնակառավարման մասին» օրենքի 18-րդ հոդվածի 1-ին մասի 21-րդ կետով, «Նորմատիվ իրավական ակտերի մասին» օրենքի 39-րդ հոդվածով` օրենքի անալոգիայով և հիմք ընդունելով Հայաստանի Հանրապետության կառավարության 2023 թվականի ապրիլի 21-ի N595-Ն որոշման 1-ին կետով հաստատված կարգի 3-րդ կետի 6-րդ ենթակետն ու համայնքի ղեկավարի առաջարկությունը` Արաքս համայնքի Խորոնք գյուղի նախադպրոցական կրթության գործունեության իրականացման համար Արաքս համայնքի «Խորոնքի մսուր-մանկապարտեզ» ՀՈԱԿ-ին անհատույց շահագործման նպատակով տրամադրելու մասին.

ԱՐԱՔՍ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝

1. Հայաստանի Հանրապետության Արմավիրի մարզի Արաքս համայնքի սեփականություն հանդիսացող՝ Խորոնք գյուղ, Մ. Խորենացու փողոց 2 հասցեում գտնվող, 564.7քմ մակերեսով մանկապարտեզի շենքը, 4.6քմ մակերեսով կաթսայատունը, 6.6քմ մակերեսով լվացքատունը, 37․4քմ մակերեսով ծածկը, 9քմ մակերեսով պարիսպը, 13.6քմ մակերեսով պարիսպը և դրանց զբաղեցրած, օգտագործման ու սպասարկման համար անհրաժեշտ` 04-050-0041-0015 կադաստրային ծածկագրով 0.3562հա հողամասը (այսուհետ` անշարժ գույք) անհատույց օգտագործման իրավունքով, անժամկետ տրամադրել Արաքս համայնքի «Խորոնքի մսուր-մանկապարտեզ» ՀՈԱԿ-ին` նախադպրոցական կրթություն իրականացնելու նպատակով:
2. Սույն որոշումն ուժի մեջ է մտնում ընդունման պահից: