ՆԱԽԱԳԻԾ

Հայաստանի Հանրապետության Արմավիրի մարզի Արաքս համայնքի Գայ գյուղի բնակիչ Անահիտ Վահանի Մարգարյանը դիմել է Արաքսի համայնքապետարան՝ Գայ գյուղի Գարնանային փողոց 46 հասցեում գտնվող, իրենց պատկանող /ըստ օրենքի ժառանգության վկայագրի` 2024թ-ի թիվ 10275 սեղանամատյանի, ըստ սեփականաշնորհման հանձնաժողովի 25.03.1991թ. թիվ 4 որոշման հիման վրա /0.12հա հողամասի և բնակելի տան, բնակելի նշանակության օժանդակ շենք-շինությունների նկատմամբ իրավունքները վերականգնելու խնդրանքով:

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1-ին մասի 24-րդ կետով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, «Իրավունք հաստատող փաստաթղթերը չպահպանված անհատական բնակելի տների կարգավիճակի մասին» Հայաստանի Հանրապետության օրենքով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ կետով, հաշվի առնելով, որ բնակելի տունը և օժանդակ շենք շինությունները կառուցվել են մինչև 2001թվականի մայիսի 15-ը., հողամասը ընդգրկված չէ Հայաստանի Հանրապետության հողային օրենսգրքի 60-րդ հոդվածով նախատեսված սահմանափակումների ցանկում.

ՈՐՈՇՈՒՄ ԵՄ՝

1.Վերականգնել Արմավիրի մարզի Արաքս համայնքի Գայ գյուղի Գարնանային փողոց 46 հասցեում գտնվող գույքային միավորների նկատմամբ Անահիտ Վահանի Մարգարյանի /ծնվ․1947թ․/, Եվա Ալվարոյի Մարգարյանի /ծնվ.1967թ./, Անուշ Ալվարոյի Մարգարյանի /ծնվ. 1973թ/ գույքային իրավունքները՝ ճանաչել նրանց սեփականության իրավունքը 0,12հա օրինական հողամասի և բնակելի տան, բնակելի նշանակության օժանդակ շենք-շինությունների նկատմամբ՝ /բնակելի տուն` 53,9քմ կառուցված 1980թ, բնակելի տուն` 92,5քմ կառուցված 1980թ, բաց պատշգամբ՝ 87,9քմ կառուցված 1980թ., թռչնանոց` 22,1քմ կառուցված 1980թ.,ավտոտնակ՝ 60,7քմ կառուցված 1980թ../: Կառույցները չեն հակասում քաղաքաշինական նորմերին, չեն առաջացնում սերվիտուտ:

2.Շենք-շինությունների մակերեսները ենթակա են ճշտման համապատասխան որակավորում ստացած անձի կողմից:

3.Առաջարկել ՀՀ ԿԱԱԳԿՊԿ համապատասխան մարզային ստորաբաժանմանը գրանցել ՎԱնահիտ Վահանի Մարգարյանի /ծնվ․1947թ․/, Եվա Ալվարոյի Մարգարյանի /ծնվ.1967թ./, Անուշ Ալվարոյի Մարգարյանի /ծնվ. 1973թ/ սեփականության իրավունքները սույն որոշման 1-ին կետում նշված հողամասի, հողամասում առկա բնակելի նշանակության օժանդակ շենք-շինությունների նկատմամբ և տրամադրել անշարժ գույքի գրանցման վկայական:

4.Բնակելի տանը տալ Հայաստանի Հանրապետություն, Արաքս համայնք, գյուղ Գայ, Գարնանային փողոց 46 հասցե:

5.Ուժը կորցրած ճանաչել Արմավիրի մարզի Արաքս համայնքի ղեկավարի 2023 թվականի նոյեմբերի 09-ի «Բնակելի տան և բնակելի նշանակության օժանդակ շենք-շինությունների նկատմամբ գույքային իրավունքները վերականգնելու մասին » N1217-Ա որոշումը:

6.Սույն որոշումն ուժի մեջ է մտնում ընդունման պահից: