Ղեկավարվելով Հայաստանի Հանրապետության քաղաքացիական օրենսգրքի 685-րդ հոդվածով, «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, «Նորմատիվ իրավական ակտերի մասին» Հայաստանի Հանրապետության օրենքի 39-րդ հոդվածով` օրենքի անալոգիայով և հիմք ընդունելով Հայաստանի Հանրապետության կառավարության 2023 թվականի ապրիլի 21-ի N595-Ն որոշման 1-ին կետով հաստատված կարգի 3-րդ կետի 6-րդ ենթակետն ու համայնքի ղեկավարի առաջարկությունը` Արաքս համայնքի Արաքս/Էջմ/ գյուղի նախադպրոցական կրթության գործունեության իրականացման համար Արաքս համայնքի «Արաքսի մանկապարտեզ» ՀՈԱԿ-ին անհատույց շահագործման նպատակով տրամադրելու մասին.

ԱՐԱՔՍ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝

1. Հայաստանի Հանրապետության Արմավիրի մարզի Արաքս համայնքի սեփականություն հանդիսացող՝ Արաքս/Էջմ/ գյուղ, Դրոյի փողոց 3 հասցեում գտնվող, 703,8քմ մակերեսով մանկապարտեզը և դրա զբաղեցրած, օգտագործման ու սպասարկման համար անհրաժեշտ` 04-017-0028-0013 կադաստրային ծածկագրով 0.2755հա հողամասը (այսուհետ` անշարժ գույք)  անհատույց օգտագործման իրավունքով, անժամկետ տրամադրել Արաքս համայնքի «Արաքսի մանկապարտեզ» ՀՈԱԿ-ին` նախադպրոցական կրթություն իրականացնելու նպատակով:
2. Սույն որոշումն ուժի մեջ է մտնում ընդունման պահից: