Հայաստանի Հանրապետության Արմավիրի մարզի Արաքս համայնքի ղեկավար Ղազար Ղազարյանս ուսումնասիրելով Ասատուր Ստեփանի Մուրադյանի նկատմամբ հարուցված վարչական վարույթի գործը պարզեցի՝ Ասատուր Ստեփանի Մուրադյանի /հասցե՝ ՀՀ, Արմավիրի մարզ, Արաքս համայնք, գյուղ Գայ, Երևանյան փ․, 38 տ․/ նկատմամբ «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1–ին մասի «բ» ենթակետի հիմքով հարուցվել է վարչական վարույթ, քանի որ Ասատուր Մուրադյանի կողմից ՀՀ Արմավիրի մարզի Արաքս համայնքի Գայ գյուղի վարչական տարածքում գտնվող 04–033–0225–0020 կադաստրային ծածկագրով հողամասը օգտագործվում է ոչ նպատակային նշանակությամբ, այն է իրականացվում է ձկնաբուծություն։ Անձի կողմից իրականացվել է ՀՀ վարչական իրավախախտումների վերաբերյալ օրենսգրքի 48-րդ հոդվածի 2-րդ պարբերությունով սահմանված, 54–րդ հոդվածի 1–ին և 2–րդ պարբերություններով սահմանված խախտումներ, որոնք առաջացնում են տուգանքի նշանակումներ՝ սահմանված նվազագույն աշխատավարձի հարյուրապատիկի, հարյուրապատիկի և հիսնապատիկի չափերով:

Վարույթի հարուցման համար հիմք էր հանդիսացել ՀՀ Արմավիրի մարզի Արաքս համայնքի ղեկավարի կողմից 2023 թվականի հունվարի 9-ի N 4-Ա կարգադրությամբ ստեղծված հանձնաժողովի կողմից 2024 թվականի օգոստոսի 13-ին կազմված արձանագրությունը։

Վարչական վարույթ հարուցելու մասին ծանուցագիրը Ասատուր Մուրադյանին ուղարկվել է փոստային առաքմամբ 2024 թվականի օգոստոսի 21-ին /հիմք՝ «Հայփոստ» ՓԲ ընկերության կողմից 2024 թվականի օգոստոսի 21–ին տրված N LO124088522AM ստացականը/։

Ասատուր Մուրադյանը 2024 թվականի օգոստոսի 28-ին ներկայացել է Արաքսի համայնքապետարան, մասնակցել վարույթի լսմանը և հայտնել, որ ձեռնարկել է անհրաժեշտ քայլեր կադաստրային քարտեզում տեղ գտած սխալն ուղղելու ուղղությամբ։ 2024 թվականի սեպտեմբերի 13-ին ներկայացել է Արաքսի համայնքապետարան և խնդրել մեկամսյա ժամկետով կասեցնել իր նկատմամբ հարուցված վարչական վարույթի ժամկետը, մինչև իր կողմից հողամասի չափագրման և այլ անհրաժեշտ փաստաթղթերի ներկայացնելը։

Վերոգրյալից ելնելով, ղեկավարվելով «Տեղական ինքնակառավարման մասին» օրենքի 35-րդ հոդվածի 1–ին մասի 24-րդ կետով, «Վարչարարության հիմունքների և վարչական վարույթի մասին» օրենքի 49-րդ հոդվածի 2–րդ մասի 2-րդ պարբերությամբ, որի համաձայն՝ «Վարչական վարույթը կարող է կասեցվել նաև օրենքով նախատեսված այլ դեպքերում»․

ՈՐՈՇՈՒՄ ԵՄ՝

1. Ասատուր Ստեփանի Մուրադյանի նկատմամբ հարուցված վարչական վարույթը կասեցնել մեկ ամիս ժամկետով։

2. Վարչական վարույթը կասեցնելու մասին որոշումը կարող է բողոքարկվել «Վարչարարության հիմունքների և վարչական վարույթի մասին» ՀՀ օրենքով սահմանված ընդհանուր կարգով։

3. Սույն որոշումն ուժի մեջ է մտնում կողմին պատշաճ իրազեկելու օրվան հաջորդող օրվանից, կամ հրապարակման պահից՝ համայնքապետարանի տեղեկագրերում հրապարակելու միջոցով, կամ ՀՀ հրապարակային ծանուցումների պաշտոնական ինտերնետային կայքում հրապարակելու միջոցով: