Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 29-րդ կետով, Հայաստանի Հանրապետության կառավարության 2011 թվականի դեկտեմբերի 29–ի N 1920–Ն որոշմամբ, հիմք ընդունելով Հայաստանի Հանրապետության վարչապետի 2009 թվականի դեկտեմբերի 22–ի N 1064-Ա որոշմամբ ստեղծված «Հայաստանի Հանրապետության համայնքների (բնակավայրերի) քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի» 2025 թվականի ապրիլի 25–ի N 2/փ-137 դրական եզրակացությունը, հողի սեփականատեր Մելանյա Համբարյանի դիմումը.
ԱՐԱՔՍ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է` 1. Հայաստանի Հանրապետության Արմավիրի մարզի Արաքս համայնքի Գայ գյուղի վարչական սահմաններում գտնվող, քաղաքացի Մելանյա Համբարյանին սեփականության իրավունքով պատկանող 04-033-0225-0023 կադաստրային ծածկագրով ընդհանուր 0.237 հա հողամասը, որից 0.01107 հա մակերեսով արդյունաբերության, ընդերքօգտագործման և այլ արտադրական նշանակության գյուղատնտեսական արտադրական օբյեկտի հողը, 0.22593 հա մակերեսով գյուղատնտեսական նշանակության այլ հողատեսքը փոխադրել բնակավայրերի նշանակության հասարակական կառուցապատման հողերի կատեգորիա:
2.Նշված հողամասի վրա առկա 90.5քմ մակերեսով սառնարանային տնտեսությունը /ԿԾ 04–033–0225–0023-001/, փոխադրել բնակավայրերի նշանակության հասարակական կառուցապատման գործառնական նշանակության։
3. Սահմանված կարգով հողային ֆոնդի ընթացիկ հաշվառման տվյալներում՝ ամենամյա հաշվեկշռում, կատարել համապատասխան փոփոխություններ։
4.Սույն որոշումն ուժի մեջ է մտնում ընդունման պահից: |