Ղեկավարվելով Հայաստանի Հանրապետության քաղաքացիական օրենսգրքի 188-րդ հոդվածով, «Անշարժ գույքի հարկով հարկման նպատակով անշարժ գույքի շուկայանական արժեքին մոտարկված կադաստրային գնահատման կարգը սահմանելու մասին» Հայաստանի Հանրապետության օրենքի 4-րդ հոդվածի 2-րդ մասի 6-րդ կետով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով, Հայաստանի Հանրապետության կառավարության 2020 թվականի հունիսի 4-ի N1023-Ն և 2006 թվականի մայիսի 18-ի N912-Ն որոշումներով, նկատի ունենալով, որ կառույցի պահպանումը չի խախտում այլ անձանց իրավունքներն ու օրենքով պահպանվող շահերը, կառուցված չէ քաղաքաշինական նորմերի ու կանոնների էական խախտումներով, չի առաջացնում սերվիտուտ պահանջելու իրավունք և հիմք ընդունելով սեփականատեր «Արաքս Թռչնաֆաբրիկա» ՓԲԸ-ի տնօրեն Արտակ Սարգսյանի 2025 թվականի փետրվարի 19-ի դիմումը.

ՈՐՈՇՈՒՄ ԵՄ՝

1. Օրինականացնել Հայաստանի Հանրապետության Արմավիրի մարզի Արաքս համայնքի Ջրարբի գյուղում «Արաքս Թռչնաֆաբրիկա» ՓԲԸ-ին սեփականության իրավունքով պատկանող /04-086-0101-0021/ ծածկագրով արտադրական հողատարածքում ինքնակամ կառուցված 3141,5քմ արտաքին մակերեսով արտադրական շինությունները՝ համաձայն «Դավիթ Մովսեսյան» ԱՁ-ի կողմից տրված շինությունների և հողամասի հատակագծերի և կադաստրի կոմիտեի կողմից հաստատված հայտի քաղվածքի ծածկագիրը՝ 2024UTH4QW:

2.Ինքնակամ կառույցների օրինականացման համար վճարը կազմում է արտադրական նշանակության շինությունների 1քմ-ի համար 1813,5 Հայաստանի Հանրապետության դրամ, 1813,5*3141.5քմ=5697110 /հինգ միլիոն վեց հարյուր իննսունյոթ հազար մեկ հարյուր տաս/ Հայաստանի Հանրապետության դրամ:

3.Ինքնակամ կառուցված շենք-շինության օրինականացման համար հաշվարկված վճարը՝ 5697110 Հայաստանի Հանրապետության դրամ գումարը պետք է վճարվի Ջրարբի գյուղի N900325183169 հաշվեհամարին:

4.Սույն որոշման ընդունման օրվանից 60-օրվա ընթացքում օրինականացնելու համար սահմանված վճարը չվճարելու դեպքում որոշումը համարել ուժը կորցրած:

5.Սույն որոշումից բխող գույքային իրավունքները ենթակա են գրանցման Հայաստանի Հանրապետության Կադաստրի կոմիտեի անշարժ գույքի գրանցման միասնական ստորաբաժանումում:

6.Ուժը կորցրած ճանաչել Արմավիրի մարզի Արաքս համայնքի ղեկավարի 2024 թվականի ապրիլի 10-ի ««Արաքս Թռչնաֆաբրիկա» ՓԲԸ-ի կողմից ինքնակամ կառուցված շինությունները օրինականացնելու մասին» N394-Ա որոշումը:

7. Սույն որոշումն ուժի մեջ է մտնում ընդունման պահից։