Զեկ. ՂԱԶԱՐ ՂԱԶԱՐՅԱՆ

Ղեկավարվելով Հայաստանի Հանրապետության հողային օրենսգրքի 7-րդ հոդվածի 15-րդ մասով, «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածի 1-ին մասով և հիմք ընդունելով սեփականատեր «ՄԵԳԱՇԻՆ» ՍՊԸ-ի լիազորված անձ Վահե Չոմարյանի 2022 թվականի օգոստոսի 31–ի դիմումը.

ՀԱՄԱՅՆՔԻ ԱՎԱԳԱՆԻՆ  ՈՐՈՇՈՒՄ Է՝

1. Տալ համաձայնություն ՀՀ Արմավիրի մարզի Արաքս համայնքի Մեծամոր գյուղի հողերի օգտագործման ժամանակավոր սխեմաներում կատարել փոփոխություն:

2. «ՄԵԳԱՇԻՆ» ՍՊԸ-ին պատկանող գյուղատնտեսական նշանակության 1.1159 հա (ծածկագիրը՝ 04-064-0222-0160, գործառնական նշանակությունը՝ վարելահող) հողամասի նպատակային և գործառնական նշանակությունը փոխել  արդյունաբերության, ընդերքօգտագործման և այլ արտադրական նշանակության և արդյունաբերական օբյեկտներ գործառնական նշանակության  հողամասի՝ մինչև 100 հազար խորանարդ մետր ծավալով  ձկնաբուծական արհեստական լճակ կառուցելու   համար:

3. Ուժը կորցրած ճանաչել Հայաստանի Հանրապետության Արմավիրի մարզի Արաքս համայնքի ավագանու 2022 թվականի հունիսի 29-ի «Արմավիրի մարզի Արաքս համայնքի Մեծամոր գյուղում հողամասի նպատակային և գործառնական նշանակության փոփոխելու մասին» N 90-Ա որոշումը:

4. Սույն որոշումն ուժի մեջ է մտնում ընդունման պահից: