Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34–րդ հոդվածներով․

ԱՐԱՔՍ ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝

1․ Հայաստանի Հանրապետության Արմավիրի մարզի Արաքս համայնքի ավագանու 2024 թվականի մայիսի 24-ի «Անհատույց օգտագործման իրավունքով «Մանկական զարգացման հիմնադրամ» մանկական զարգացման կենտրոնին անշարժ գույք տրամադրելու մասին» N41-Ա որոշման 1-ին կետը շարադրել հետևյալ խմբագրությամբ․
«1. Հայաստանի Հանրապետության Արմավիրի մարզի Արաքս համայնքի սեփականությունը հանդիսացող Գայ գյուղ, Մ. Սարյան փողոց 3 հասցեում գտնվող /կադաստրային ծածկագիր՝ 04-033-0046-0003/ մշակույթի տան առաջին հարկից մեկ սենյակ՝ 24 քառ․ մետր մակերեսով և երկրորդ հարկից՝ թիվ 3,4,5 սենյակները, 111,2 քառ․ մետր մակերեսով տարածքը /այսուհետ` գույք/, անհատույց օգտագործման իրավունքով, 5 տարի ժամկետով տրամադրել «Մանկական զարգացման հիմնադրամ» մանկական կենտրոնին՝ սոցիալական ծրագրի իրականացման նպատակով:
2. Առաջարկել համայնքի ղեկավարին՝ իրականացնել սույն որոշումից բխող իրավական գործառույթներ:
3․ Սույն որոշումն ուժի մեջ է մտնում ընդունման պահից։