ՆԱԽԱԳԻԾ

Հայաստանի Հանրապետության Արմավիրի մարզի Արաքս համայնքի ղեկավար Ղազար Ղազարյանս ուսումնասիրելով Սվետա ՈՒսոյանի նկատմամբ հարուցված վարչական վարույթի գործը պարզեցի՝ ՀՀ Արմավիրի մարզի Արաքսի համայնքապետարանի կողմից հարուցվել է վարույթ Սվետա ՈՒսոյանի հասցե՝ ՀՀ, Արմավիրի մարզ, Արաքս համայնք, գյուղ Ակնաշեն, Տերյան փ, 5տ/ նկատմամբ «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1–ին մասի «բ» ենթակետի հիմքով հարուցվել է վարչական վարույթ, քանի որ իր կողմից  առանց համապատասխան թույլտվության իրականացվել է ոգելիչ խմիչքների և ծխախոտային արտադրատեսակների իրացում։

Վարչական վարույթ հարուցելու մասին ծանուցագիրը Սվետա ՈՒսոյանին ուղարկվել է փոստային առաքմամբ 2025 թվականի մարտի 28-ին /հիմք՝ «Հայփոստ» ՓԲ ընկերության կողմից 2025 թվականի մարտի 28–ին տրված N LO127232000AM ստացականը/։ Նշված բեռնային համարով առաքանու էլեկտրոնային տվյալների համաձայն՝ հասցեատերն այն ստացել է 2025  թվականի մարտի 29-ին։

2025 թվականի ապրիլի 1-ին Սվետա ՈՒսոյանը Արաքսի համայնքապետարան է ներկայացրել հարկային վճարումն հավաստող N108576730 անդորրագիրը։

Ելնելով վերոգրյալից և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1–ին մասի 24-րդ կետով, «Վարչարարության հիմունքների և վարչական վարույթի մասին» ՀՀ օրենքի 50-րդ հոդվածի 2–րդ մասի «ա» ենթակետով․

ՈՐՈՇՈՒՄ ԵՄ՝

1. Սվետա ՈՒսոյանի նկատմամբ հարուցված վարչական վարույթը կարճել։

2. Վարչական վարույթը կարճելու մասին որոշումը կարող է բողոքարկվել «Վարչարարության հիմունքների և վարչական վարույթի մասին» ՀՀ օրենքով սահմանված ընդհանուր կարգով։

3. Սույն որոշումն ուժի մեջ է մտնում կողմին պատշաճ իրազեկելու օրվան հաջորդող օրվանից, կամ հրապարակման պահից՝ համայնքապետարանի տեղեկագրերում հրապարակելու միջոցով, կամ ՀՀ հրապարակային ծանուցումների պաշտոնական ինտերնետային կայքում հրապարակելու միջոցով: