Խորհրդակցությանը մասնակցում էին համայնքի ղեկավարի տեղակալները, աշխատակազմի ղեկավարը, համայնքապետարանի ոլորտային պատասխանատու ղեկավարները և կառուցվածքային ստորաբաժանումների ղեկավարները։
Օրակարգում էին համայնքին վերաբերող կոմունալ, գյուղատնտեսական, սոցիալական, մշակութային, ֆինանսական և այլ բնույթի մի շարք հարցեր։
Խորհրդակցության ընթացքում ստորաբաժանումների ղեկավարները համայնքի ղեկավարին ներկայացրին իրենց ոլորտներում կատարված աշխատանքները, զեկուցեցին նախորդ խորհրդակցության ընթացքում տրված հանձնարարականների կատարողականների արդյունքները:
Ստորաբաժանումների ղեկավարների կողմից բարձրացված հարցերի և խնդիրների վերաբերյալ համայնքի ղեկավար Ղազար Ղազարյանի կողմից տրվեցին համապատասխան ցուցումներ և հանձնարարականներ։ |