Զեկ. ՄԱՐԻԱ ԱԶԱՏՅԱՆ

    Ղեկավարվելով «Տեղական ինքնակառավարման մասին» Հայաստանի Հանրապետության օրենքի 8-րդ հոդվածի 1-ին մասի 14-րդ կետով, 11-րդ հոդվածով, 13-րդ հոդվածի 10-րդ մասով և հիմք ընդունելով համայնքի ղեկավարի առաջարկությունը․

 Արաքս համայնքի ավագանին որոշում է՝

1. Արաքս համայնքի 2024թ-ի բյուջեում հատկացնել 1 000 000 ՀՀ դրամ գումար՝ 2024թ-ի ընթացքում մասնակցային բյուջետավորման գործընթաց իրականացնելու նպատակով։      
2. Մասնակցային բյուջետավորման գործընթացի իրականացման համար սահմանվում են ոռոգման, ճանապարհների վերանորոգման և էներգախնայողության ծրագրերի ոլորտները՝ որպես առաջնահերթություն։       
3. Մասնակցային բյուջետավորման գործընթացի ժամանակ առաջարկներ ներկայացնելու իրավասություն ունեն համայնքի բնակիչները։
4. Համայնքի ղեկավարին՝ 

1) սույն որոշման 1-ին կետում սահմանված գործընթացը՝ որպես ծրագրային բաղադրիչ, ներառել համայնքի 2024թ-ի ՄԺԾԾ-ում, տարեկան աշխատանքային պլանում և բյուջեում։        

2) hամայնքի բնակիչների կողմից քվեարկության արդյունքում ընտրված առաջարկը(ները) ներկայացնել ավագանու հավանությանը.      
3) իրականացնել վերահսկողություն մասնակցային բյուջետավորման գործընթացի նկատմամբ։       
5. Սույն որոշումն ուժի մեջ է մտնում ընդունմանը հաջորդող օրվանից: