Ղեկավարվելով Հայաստանի Հանրապետության կառավարության 2006 թվականի մայիսի 18-ի N 912-Ն որոշմամբ հաստատված կարգի 33-րդ, 33.1-րդ, 33.2-րդ կետերով, Հայաստանի Հանրապետության կառավարության 2005 թվականի դեկտեմբերի 29-ի N 2387-Ն որոշմամբ հաստատված կարգի 50-րդ կետով, նկատի ունենալով, որ կառույցի պահպանումը չի խախտում այլ անձանց իրավունքները, օրենքով պահպանվող շահերը, վտանգ չի սպառնում քաղաքացիների կյանքին ու առողջությանը, կառուցված չէ քաղաքաշինական նորմերի ու կանոնների էական խախտումներով, ինչպես նաև չի գտնվում ինժեներատրանսպորտային օբյեկտների օտարման կամ անվտանգության գոտիներում, չի առաջացնում հարկադիր սերվիտուտ պահանջելու իրավունք, շինության զբաղեցրած հողամասն ընդգրկված չէ Հայաստանի Հանրապետության հողային օրենսգրքի 60-րդ հոդվածով սահմանված հողամասերի սահմանափակումների ցանկում, հիմք ընդունելով հողամասի և շինության հատակագծերը` տրված «Ավագ Ավագյան» Ա/Ձ-ի կողմից, Հայաստանի Հանրապետության Կադաստրի կոմիտեի կողմից 2024 թվականի դեկտեմբերի 13-ին տրված հաշվառման տվյալների մուտքագրման տեղեկանքը (չափագրման տվյալների մուտքագրման ծածկագիր՝ 2024KAEVWM), շինությունը իրականացրած անձի` քաղաքացի Վիլիկ Սերյոժայի Հարությունյանի 2025 թվականի մարտի 21-ի դիմումը.

ՈՐՈՇՈՒՄ ԵՄ՝

1. Հայաստանի Հանրապետության Արմավիրի մարզի Արաքս համայնքի Ջրառատ գյուղում գտնվող 570քմ մակերեսով համայնքային սեփականություն հանդիսացող հողամասի վրա գտնվող 346քմ արտաքին մակերեսով օժանդակ շինությոնները /331.7քմ արտաքին մակերեսով տնտեսական շինությունը, 12.3քմ մակերեսով ծածկը, 2.0քմ արտաքին մակերեսով զուգարանը/ ճանաչել Արաքս համայնքի սեփականությունը և օրինականացնել` համաձայն «Ավագ Ավագյան» Ա/Ձ–ի կողմից տրված հողամասի և շինության հատակագծերի:

2. Հողատարածքին և առկա շինությանը տալ հասցե Հայաստանի Հանրապետություն, Արմավիրի մարզ, Արաքս համայնք, գյուղ Ջրառատ, Ա. Իսահակյան փողոց,  19/1 հասցեն:

3. Հաշվի առնելով, որ կառույցն իրականացվել է Վիլիկ Սերյոժայի Հարությունյանի կողմից և ընդունվել է առաջարկը՝ գնման նախապատվության իրավունքով ձեռք բերելու հողամասը և շինությունը, Վիլիկ Սերյոժայի Հարությունյանին ուղղակի վաճառքով օտարել Արմավիրի մարզ, Արաքս համայնքի, Ջրառատ գյուղի, Ա. Իսահակյան փողոց,  19/1 հասցեում գտնվող 0,057հա /կադաստրային ծածկագիր 04-085-0060-/ մակերեսով հողամասը՝ առկա շինություններով:

4. Ինքնակամ կառույցի օրինականացման և վաճառքի համար վճարը սահմանվում է օժանդակ նշանակության շինությունների 1քմ-ի համար` 2418 Հայաստանի Հանրապետության դրամ: 2418*346քմ=836628 /ութ հարյուր երեսունվեց հազար վեց հարյուր քսանութ/ Հայաստանի Հանրապետության դրամ, որը ենթակա է վճարման Ջրառատ գյուղի N900325182153 հաշվեհամարին:

5. 1քմ հողամասի օտարման վճարը օժանդակ նշանակության կառույցների համար` 1221 Հայաստանի Հանրապետության դրամ,  1221*570քմ=695970 /վեց հարյուր իննսունհինգ հազար ինը հարյուր յոթանասուն/ Հայաստանի Հանրապետության դրամ, որը ենթակա է վճարման Ջրառատ գյուղի N900325182138 հաշվեհամարին: Վճարման ենթակա է ընդամենը 836628+695970=1532598 Հայաստանի Հանրապետության դրամ:

6. Որոշման ընդունման օրվանից սահմանված վճարները 60-օրյա ժամկետում չվճարելու դեպքում որոշումը համարել ուժը կորցրած:

7. Սույն որոշումից բխող գույքային իրավունքները ենթակա են գրանցման Հայաստանի Հանրապետության անշարժ գույքի կադաստրի կոմիտեի անշարժ գույքի գրանցման միասնական ստորաբաժանման կողմից:

8. Սույն որոշումն ուժի մեջ է մտնում ընդունման պահից: