Սույն թվականի փետրվարի 10-ին Արաքս համայնքի ղեկավար Ղազար Ղազարյանն անցկացրեց աշխատանքային խորհրդակցություն տեղակալների, աշխատակազմի ղեկավարի, ոլորտային պատասխանատու ղեկավարների և համայնքապետարանի կառուցվածքային ստորաբաժանումների ղեկավարների հետ։
Խորհրդակցության ընթացքում ստորաբաժանումների ղեկավարները համայնքի ղեկավարին ներկայացրին իրենց ոլորտներում կատարված աշխատանքները, զեկուցեցին նախորդ խորհրդակցության ընթացքում տրված հանձնարարականների կատարողականների արդյունքները:
Համայնքի ղեկավարը տեղեկացրեց, որ շուտով անհատույց օգտագործման իրավունքով ՋՕԸ-ին կհանձնվի համայնքի Արաքս և Լուսագյուղ բնակավայրերում սուբվենցիոն ծրագրի շրջանակներում կառուցված պոմպակայանները։
Քննարկվեցին սուբվենցիոն ծրագրի շրջանակներում կառուցված մանկապարտեզների շահագործման հանձնման ժամկետները, սոցիալական աջակցությունների տրամադրման կարգի փոփոխությունները, համայնքին վերաբերող կոմունալ, գյուղատնտեսական, սոցիալական, մշակութային, ֆինանսական և այլ բնույթի մի շարք հարցեր։
Բարձրացված հարցերի և խնդիրների վերաբերյալ ստորաբաժանումների ղեկավարներին տրվեցին համապատասխան ցուցումներ և նոր հանձնարարականներ։ |