Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով և հիմք ընդունելով Արաքս համայնքի ղեկավարի առաջարկությունը. ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝
1.Դիմել Հայաստանի տարածքային զարգացման հիմնադրամին (ՀՏԶՀ)՝ Սոցիալական Ներդրումների և Տեղական Զարգացման լրացուցիչ ֆինանսավորման ծրագրով Հայաստանի Հանրապետության Արմավիրի մարզի Արաքս համայնքի Ակնաշեն գյուղում մանկապարտեզ կառուցելու համար: Համայնքի մասնակցությունը ծրագրի իրականացմանը՝ ծրագրի ընդանուր արժեքի 7 տոկոսի չափով:
2.Հայաստանի տարածքային զարգացման հիմնադրամի հետ համագործակցելու և համայնքի անունից ծրագրի իրականացմանը մասնակցելու համար ստեղծել Ծրագրի իրականացման կոմիտե (ԾԻԿ)՝ համաձայն հավելվածի:
3.Դիմել Հայաստանի տարածքային զարգացման հիմնադրամին (ՀՏԶՀ)՝ Սոցիալական Ներդրումների և Տեղական Զարգացման լրացուցիչ ֆինանսավորման ծրագրի 2-րդ Բաղադրիչի միջոցով իրականացնելու հետևյալ միջոցառումը.
Արաքս համայնքում գյուղատնտեսության աջակցություն և կոմունալ ծառայությունների բարելավում՝ տեխնիկական վերազինման միջոցով:
Համայնքի մասնակցությունը ծրագրի իրականացմանը՝ ծրագրի ընդհանուր արժեքի 5 տոկոսի չափով:
4.Հայաստանի տարածքային զարգացման հիմնադրամի հետ համագործակցելու և համայնքի անունից ծրագրի իրականացմանը մասնակցելու համար ստեղծել նախաձեռնող խումբ (ՆԽ)՝ համաձայն հավելվածի:
5.Սույն որոշումն ուժի մեջ է մտնում ընդունման պահից: |