Հայաստանի Հանրապետության Արմավիրի մարզի Արաքս համայնքի ղեկավար Ղազար Ղազարյանս ուսումնասիրելով Գագիկ Հակոբյանի  նկատմամբ հարուցված վարչական վարույթի նյութերը պարզեցի՝ ՀՀ Արմավիրի մարզի Արաքսի համայնքապետարանի աշխատակազմի իրավաբանական բաժնի կողմից  Գագիկ Հակոբյանի /հասցե՝ ՀՀ, Արմավիրի մարզ, գյուղ Ջրարբի, Աբովյան փ, 5 փկղ, 2շ․ 2/ նկատմամբ «Վարչարարության հիմունքների և վարչական վարույթի մասին» ՀՀ օրենքի 30-րդ հոդվածի 1–ին մասի «բ» ենթակետի հիմքով հարուցվել է վարչական վարույթ, քանի որ քաղաքացու կողմից ՀՀ Արմավիրի մարզի Արաքս համայնքի Ջրառատ գյուղի վարչական տարածքում գտնվող 04–085-0225-0002 կադաստրային ծածկագրով հողամասը օգտագործվում է ոչ նպատակային նշանակությամբ, այն է իրականացվում է ձկնաբուծություն։

Անձի կողմից իրականացվել է ՀՀ վարչական իրավախախտումների վերաբերյալ օրենսգրքի 54–րդ հոդվածի 1–ին և 2–րդ պարբերություններով սահմանված խախտումներ, որոնք առաջացնում են տուգանքի նշանակումներ՝ սահմանված նվազագույն աշխատավարձի հարյուրապատիկի և հիսնապատիկի չափերով:

Վարույթի հարուցման համար հիմք էր հանդիսացել ՀՀ Արմավիրի մարզի Արաքս համայնքի ղեկավարի կողմից 2023 թվականի հունվարի 9-ի N 4-Ա կարգադրությամբ ստեղծված հանձնաժողովի կողմից 2024 թվականի օգոստոսի 28-ին կազմված արձանագրությունը։ Արաքս համայնքի ղեկավարի 2024 սեպտեմբերի 5–ի N 2219  գրությամբ Գագիկ Հակոբյանը «Վարչարարության հիմունքների և վարչական վարույթի մասին» ՀՀ օրենքի 29․1-րդ հոդվածի համաձայն` պատշաճ ծանուցվել էր վարչական վարույթի հարուցման, անցկացման վայրի և ժամանակի մասին /Ծանուցման հիմք՝ գրության մեկ օրինակի վրա 2024 թվականի սեպտեմբերի 12-ին արված գրառումը և ստորագրությունը/:

Գագիկ Հակոբյանը ներկայացել է 2024 թվականի սեպտեմբերի 12-ին անցկացվող վարչական վարույթի լսմանը։ Լսման ընթացքում պարզ դարձավ, որ Գագիկ Հակոբյանի կողմից նշված հողամասում իրականացրել է բանջարեղեն իսկ հիմա այժմ չի մշակում:Գագիկ Հակոբյանի կողմից համայնքապետարան է ներկայացվել համապատասխան լուսանկարներ և պարզաբանում, համայնքապետարանի Իրավաբանական բաժնի կողմից կատարվել է այց նշված հողամաս և կատարվել է տեղազննում չի հայտնաբերվել իրավախախտում։

Ելնելով վերոգրյալից և ղեկավարվելով «Տեղական ինքնակառավարման մասին» Հայաստանի Հանրապետության օրենքի 35-րդ հոդվածի 1–ին մասի 24-րդ կետով, «Վարչարարության հիմունքների և վարչական վարույթի մասին» ՀՀ օրենքի 50-րդ հոդվածի 2–րդ մասի «ա» ենթակետով, հիմք ընդունելով Արաքսի համայնքապետարանի աշխատակազմի իրավաբանական բաժնի երկրորդ կարգի  մասնագետի կողմից 2024 թվականի սեպտեմբերի 3–ին ներկայացված զեկուցագիրը․

ՈՐՈՇՈՒՄ ԵՄ՝

1. Գագիկ Հակոբյանի նկատմամբ հարուցված վարչական վարույթը կարճել։

2. Վարչական վարույթը կարճելու մասին որոշումը կարող է բողոքարկվել «Վարչարարության հիմունքների և վարչական վարույթի մասին» ՀՀ օրենքով սահմանված ընդհանուր կարգով։

3. Սույն որոշումն ուժի մեջ է մտնում կողմերին պատշաճ իրազեկելու օրվան հաջորդող օրվանից կամ սույն որոշմամբ ուղղակիորեն շոշոփվող անձանց վերաբերյալ տեղեկությունները հայտնի չլինելու դեպքում հրապարակման պահից՝ համայնքապետարանի տեղեկագրերում հրապարակելու միջոցով: