Ղեկավարվելով «Տեղական ինքնակառավարման մասին» ՀՀ օրենքի 18-րդ հոդվածի 1-ին մասի 15–րդ կետով, Հայաստանի Հանրապետության քաղաքացիական օրենսգրքի 67–րդ հոդվածի 1–ին մասով, 2–րդ մասի 1–ին կետով, 68–րդ և 69–րդ հոդվածներով, «Պետական ոչ առևտրային կազմակերպությունների մասին» Հայաստանի Հանրապետության օրենքի, 13–րդ հոդվածի 2–րդ մասի «զ» և «է» ենթակետերով, 3–րդ մասով, 25–րդ հոդվածով և հիմք ընդունելով Արաքս համայնքի ղեկավարի առաջարկությունը.

ՀԱՄԱՅՆՔԻ ԱՎԱԳԱՆԻՆ ՈՐՈՇՈՒՄ Է՝

1.     Լուծարել Արաքս համայնքի Արաքս գյուղի «Կրթություն և մշակույթ» միացյալ տնօրինությունը համայնքային ոչ առևտրային կազմակերպությունը (այսուհետ՝ ՀՈԱԿ)՝ լուծարման ժամկետը սահմանելով մինչև 2023 թվականի հոկտեմբերի 1–ը։

2.    Լուծարման մասին անհապաղ տեղեկացնել իրավաբանական անձանց պետական գրանցում իրականացնող մարմնին։

3.    Համայնքի ղեկավարին վերապահել լուծարման հանձնաժողով (լուծարող) նշանակելու լիազորությունը՝ կատարման համար սահմանելով 10–օրյա ժամկետ։

4.    Հանձնարարել լուծարման հանձնաժողովին՝ ՀՀ օրենսդրությամբ սահմանված ժամկետներում կազմել միջանկյալ և լուծարման հաշվեկշիռները և ներկայացնել ավագանու հաստատմանը։